AZƏRBAYCANLI MƏKTƏBLİLƏR FRANSIZCA DANIŞIRLAR
AZƏRTAC xəbər verir ki, aprelin 19-da Tofiq Hüseynov adına Beynəlxalq Təhsil Mərkəzində - 134 nömrəli məktəbdə artıq ənənəyə çevrilmiş “Mən fransızca danışıram” müsabiqəsinin birinçi seçmə turu keçirilmişdir. Müsabiqə hər il Bakıda respublikanın orta məktəb şagirdləri arasında Fransa Mədəniyyəti Mərkəzinin dəstəyi ilə “Kainat” Gənclər mərkəzi tərəfindən təşkil olunur.
Bakı məktəblərinin fransız dili müəllimləri kiçik və böyük yaş qruplarına bölünmüş iştirakçıların şifahi nitq vərdişlərini yoxlamaq üçün müsahibə aparmışlar.
Final turu aprelin 30-da Rəşid Behbudov adın Mahnı Teatrında keçiriləcək, 30 müsabiqəcidən 13-ü finalda iştirak etmək hüququ qazanacaqdır.
Bölmənin digər xəbərləri
