“AZERFON”A YENİ RƏHBƏR TƏYİN EDİLMİŞDİR
AZƏRTAC xəbər verir ki, “Azerfon” MMC (Nar Mobile ticarət nişanı) şirkətində Baş direktor vəzifəsini Gido Helbiç icra etməyə başlamışdır.
“Azerfon” fəaliyyətə başladığı gündən mühüm nəticələr əldə etmişdir. Hazırda “Nar Mobile” abonentlərinin sayı yarım milyondan artıqdır. Onun şəbəkəsi isə Azərbaycanın 80 faizini əhatə edir. Şirkət bu müddətdə bir çox kampaniyalar və xidmətlər həyata keçirmişdir.
Bu uğurun əldə olunmasında böyük töhfəsi olan cənab Con Armliyə minnətdarlığını bildirən Qido Helbiç şirkətinin düzgün strategiyasını davam etdirmək üçün əlindən gələni əsirgəməyəcəyini bildirmişdir. Onun fikrincə, şirkət öz inkişafını davam etdirəcək və yaxın gələcəkdə bazarda ən qabaqcıl mobil operatorlardan birinə çevriləcəkdir.
Helbiç Şərqi Avropada MDB ölkələri üzrə telekommunikasiya sahəsində 15 illik geniş iş təcrübəsinə malikdir. Bundan əvvəl o, Azerfon MMC-də Baş direktorun müavini vəzifəsində çalışmışdır.
