“Azəriqaz”: Yeddi ayda 3527 müraciət daxil olub
Bakı, 22 avqust, AZƏRTAC
“Azəriqaz” İB-nin Şikayətlərin araşdırılması şöbəsinin rəisi İbrahim Kərbalayevin verdiyi məlumata əsasən, cari ilin yeddi ayında 3527 müraciət daxil olub.
İB-dən AZƏRTAC-a bildirilib ki, bunlardan 1181-i elektron müraciət formasında, digərləri isə yazılı formada qeydə alınıb.
“Ötən ilin müvafiq dövrü ilə müqayisədə 1206 müraciət az daxil olub. Bu isə daha yaxşı işin nəticəsidir”,- deyə şöbə rəisi vurğulayıb.
Daxil olan müraciətlər əsasən abonent məlumatları, qaz xətləri və yaxud sayğacın yerinin dəyişdirilməsi, kənd və qəsəbələrin qazlaşdırılması və sair mövzuları əhatə edib.
Bölmənin digər xəbərləri
