Bakı Slavyan Universiteti “İlin ali məktəbi” nominasiyası üzrə qalib olub
Bakı, 27 dekabr, AZƏRTAC
İcmal.az Analitik Təhlil Mərkəzinin Azərbaycan-Slavyan Gəncləri Assosiasiyasının texniki dəstəyi ilə 2018-ci ildə keçirdiyi sosioloji sorğuda Bakı Slavyan Universiteti (BSU) “İlin ali məktəbi” nominasiyası üzrə qalib elan olunub.
BSU-dan AZƏRTAC-a verilən məlumata görə, bu barədə Azərbaycan-Slavyan Gəncləri Assosiasiyasının sədri Səbuhi Abbasovun BSU-nun rektoru, professor Nurlana Əliyevaya ünvanladığı məktubunda bildirilib. Məktubda, həmçinin assosiasiya tərəfindən BSU-ya qalib gəlməsi münasibətilə mükafat veriləcəyi qeyd olunub.
Qeyd edək ki, budəfəki sorğuda “İlin rektoru” və “İlin ali məktəbi” nominasiyaları üzrə qaliblərin müəyyənləşdirilməsi nəzərdə tutulurdu. On mindən artıq vətəndaşın qatıldığı sorğu bu günlərdə yekunlaşıb.
Bölmənin digər xəbərləri
