Bakıda “Suvar” ansamblı konsert proqramı ilə çıxış edəcək
Bakı, 2 aprel, AZƏRTAC
Mayın 7-də Heydər Əliyev Sarayında “Suvar” ləzgi və rəqs ansamblı konsert proqramı ilə çıxış edəcək.
Bu barədə AZƏRTAC-a kollektivin bədii rəhbəri Zavir Nəcəfov bildirib.
“Konsert Azərbaycan Xalq Cümhuriyyətinin yaranmasının 100 illik yubileyinə və ümummilli lider Heydər Əliyevin anadan olmasının 95-ci ildönümünə həsr olunacaq. Tədbir “Samur” Ləzgi Milli Mərkəzinin dəstəyi ilə keçiriləcək. Musiqili gecədə Azərbaycan estradasının ulduzları da səhnəyə çıxacaqlar”, - deyə Z.Nəcəfov bildirib.
Qeyd edək ki, “Suvar” ləzgi və rəqs ansamblı (“suvar” ləzgi dilində “bayram” deməkdir) 1996-cı ildə Azərbaycanın Əməkdar Mədəniyyət İşçisi, tanınmış yazıçı-jurnalist Sədaqət Kərimovanın təşəbbüsü ilə və “Samur” Ləzgi Milli Mərkəzinin dəstəyi ilə yaradılıb. 2011-ci ildə Mədəniyyət və Turizm Nazirliyi tərəfindən ansambla “Xalq kollektivi” fəxri adı verilib.
Bölmənin digər xəbərləri
