BALAKƏN ƏHALİSİNİN İÇMƏLİ SU İLƏ TƏMİNATI YAXŞILAŞACAQ
Balakən şəhərinin, habelə rayon mərkəzinə yaxın Qullar və Gərəkli kəndlərinin içməli su təchizatını yaxşılaşdırmaq üçün Hunbulçay su mənbəyində yeni su qəbuledici qurğunun tikintisinə və bu mənbədən şəhərə 3,5 kilometr uzunluğunda yeni su xəttinin çəkilişinə başlanmışdır. Smeta dəyəri 260 min manat olan qurğunun və xəttin tikintisini “Azərsu” Səhmdar Cəmiyyəti maliyyələşdirir. Tikinti işlərini “Elgün” Məhdud Məsuliyyətli Cəmiyyətin inşaatçıları həyata keçirirlər.
Rayon icra hakimiyyətindən AZƏRTAC-ın müxbirinə bildirmişlər ki, yeni su qəbuledici qurğunun və su xəttinin cari ilin sentyabrında istismara verilməsi nəzərdə tutulur.
