“Banklararası Kart Mərkəzi”nin işinin təkmilləşdirilməsi müzakirə olunub
Bakı, 26 avqust, AZƏRTAC
Azərbaycan Banklar Assosiasiyası (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun növbəti iclası keçirilib.
ABA-dan AZƏRTAC-a bildirilib ki, iclas zamanı elektron ticarət əməliyyatlarında tətbiq edilən vergilər, ölkədə formalaşdırılmış POS-terminal infrastrukturunun istifadə aktivliyinin artırılmasına dair bankların təklifləri, Mərkəzi Bankın operatoru olduğu “Banklararası Kart Mərkəzi” ödəniş sisteminin fəaliyyətinin təkmilləşdirilməsi istiqamətləri və digər bir sıra cari məsələlər müzakirə edilib.
Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. ABA-nın əsas məqsədi üzv təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.
Bölmənin digər xəbərləri
