BƏRDƏDƏ “HEYDƏR ƏLİYEV VƏ DÖVLƏT QADIN SİYASƏTİ” MÖVZUSUNDA SEMİNAR KEÇİRİLMİŞDİR
AZƏRTAC xəbər verir ki, Bərdədə “Heydər Əliyev və dövlət qadın siyasəti” mövzusunda seminar keçirilmişdir.
Seminar iştirakçıları əvvəlcə ulu öndər Heydər Əliyevin abidəsini ziyarət etmiş, önünə gül-çiçək düzmüşlər.
Bərdə Rayon İcra Hakimiyyəti başçısının müavini Fəqət Şadlinskaya “Heydər Əliyev və dövlət qadın siyasəti” mövzusunda çıxış etmişdir. Bildirmişdir ki, ümummilli liderimiz Heydər Əliyev hakimiyyətdə olduğu dövr ərzində qadın siyasətinə daim diqqət ayırmış, qadınların irəli çəkilməsində, onların hüquqlarının qorunmasında böyük işlər görmüşdür.
Seminarda digər çıxış edənlər ulu öndər Heydər Əliyevin həyat və fəaliyyətindən, qadınlara göstərdiyi diqqət və qayğıdan, cəmiyyətdə qadınların rolunun artırılmasından, gender bərabərliyindən və digər məsələlərdən danışmışlar. Bildirmişlər ki, Prezident İlham Əliyev qadınlarla bağlı ümummilli lider Heydər Əliyevin siyasətini uğula davam etdirir.
Məruzə və çıxışlardan sonra ulu öndər Heydər Əliyevin Bərdə və bərdəlilərlə görüşlərinə dair sənədli film nümayiş etdirilmiş, iştirakçılar kitab sərgisinə baxmışlar.
Bölmənin digər xəbərləri
