Beş rayonda sakinlərin qaz təchizatı ilə bağlı problemləri dinləniləcək
Bakı, 25 iyul, AZƏRTAC
“Azəriqaz” İB-nin “Açıq mikrofon” aksiyası davam edir.
İB-dən AZƏRTAC-a bildirilib ki, bu həftə (iyulun 25-29 tarixləri) saat 11:00-da daha 5 rayonda vətəndaşlarla “Açıq mikrofon” aksiyaları keçiriləcək.
Aksiya həftənin 1-ci günü Xaçmaz şəhərində (Bakı prospekti, Çənlibel parkı), 2-ci günü Şabran şəhərində (Heydər Əliyev Mərkəzinin qarşısı), 3-cü günü Siyəzən şəhərində (Heydər Əliyev prospekti, Gənclər Mərkəzinin qarşısı), 4-cü günü Quba şəhərində (Heydər Əliyev prospekti, Gənclər Parkı), 5-ci günü Qusar şəhərində (Heydər Əliyev prospekti, Rəsm Qalereyasının qarşısı) baş tutacaq. Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
Bölmənin digər xəbərləri
