Beyləqan taxılçıları 12 min 913 hektar sahədə səpin aparıblar
Beyləqan, 27 dekabr, AZƏRTAC
Beyləqan rayonunun taxılçıları səpin işlərini başa çatdırmaq üzrədirlər. Ötən il səpilmiş taxılın hər hektarından yüksək məhsuldarlıq əldə edən torpaq mülkiyyətçiləri növbəti ildə də bol məhsul götürmək əzmindədirlər.
Rayon Statistika İdarəsindən AZƏRTAC-ın bölgə müxbirinə bildiriblər ki, bu günədək 12 min 913 hektara taxıl səpilib. Onun 11 min 148 hektarı buğda, 1765 hektarı arpadır.
Qeyd edək ki, Beyləqan rayonunda ötən ilin payızında səpilmiş 15 min 346 taxıl sahəsindən 52 min 793 ton məhsul əldə olunub. Hər hektarın məhsuldarlığı orta hesabla 34,4 sentner təşkil edib.
Bölmənin digər xəbərləri
