BMT-nin mənzil-qərargahında ”Qadınlar müharibədə” sərgisi açılıb
Azərbaycanın BMT yanında daimi nümayəndəliyi sərginin təşkilatçılarından biri olub
Bakı, 7 may, AZƏRTAC
BMT-nin Nyu-Yorkdakı mənzil-qərargahında Qələbə gününə həsr edilmiş ”Qadınlar müharibədə” sərgisi açılıb. Tədbirin təşkilatçıları Azərbaycan, Belarus, Rusiya, Qazaxıstan, Tacikistan, Türkmənistan, Özbəkistan və Ermənistanın BMT yanında diplomatik missiyaları olublar.
AZƏRTAC BMT-nin rəsmi saytına istinadla xəbər verir ki, sərgidə bəşər tarixində ən qanlı müharibə olan II Dünya müharibəsində qadınların qəhrəmanlığı, zərif cinsin nümayəndələrinin igidlik nümunələrini əks etdirən eksponatlar nümayiş etdirilib. Onların arasında bütün keçmiş sovet respublikalarının nümayəndələri var.
Sərgini açan BMT-nin baş katibi Antonio Quterreş deyib ki, “müharibənin tarixi, həm də qadınların tarixidir. Bu sərgi onların rəşadətinin və əvəzolunmazlığının sübutudur”. O əlavə edib ki, bu gün BMT-nin sülhməramlı qüvvələrində, həm də rəhbər vəzifələrdə çoxlu sayda qadınlar xidmət edir. “Biz qadınların iştirakı olmadan ümumi hədəflərimizə, sülhə nail ola bilmərik”, -deyə baş katib vurğulayıb.
Bölmənin digər xəbərləri
