Botanika İnstitutunun əməkdaşı beynəlxalq tədbirdə moderatorluq edəcək
Bakı, 11 sentyabr, AZƏRTAC
Azərbaycan Milli Elmlər Akademiyası (AMEA) Botanika İnstitutunun laboratoriya müdiri, biologiya elmləri doktoru Dilzarə Ağayeva Yunanıstanın Saloniki şəhərində keçirilən beynəlxalq tədbirdə iştirak edəcək.
İnstitutdan AZƏRTAC-a bildiriblər ki, sentyabrın 15-dək davam edəcək tədbirin əsas məqsədi dəyişən ətraf mühitdə meşə entomologiyası və patologiyası sahəsində müxtəlif tədqiqatları bir araya gətirməkdir. Həmçinin ekologiya, filogeniya, monitorinq və idarəetmə, meşə həşəratları və patogenlərinin populyasiya dinamikası kimi məsələlər barədə fikir mübadiləsi aparmaq, hər bir iştirakçının apardığı tədqiqat işlərinin ətraflı müzakirəsinə şərait yaratmaqdır.
Tədbirdə D.Ağayeva məruzəçi və moderator qismində iştirak edəcək.
Səfər Azərbaycan Respublikası Prezidenti yanında Elmin İnkişafı Fondunun maliyyə dəstəyi ilə həyata keçiriləcək.
Bölmənin digər xəbərləri
