Britaniya parlamenti Brexit vaxtının iyunun 30-na keçirilməsini dəstəkləyib
Bakı, 9 aprel, AZƏRTAC
Böyük Britaniya parlamentinin Nümayəndələr Palatası Avropa İttifaqından çıxma vaxtının aprelin 12-dən iyunun 30-na keçirilməsinə dair Baş nazir Tereza Meyin planını qəbul edib.
AZƏRTAC xarici KİV-lərə istinadla xəbər verir ki, səsvermənin nəticələri gözlənilən kimi olub. Planın lehinə 420 deputat, əleyhinə isə 110 parlament üzvü səs verib.
Bundan əvvəl Tereza Mey Avropa İttifaqı Şurasının sədri Donald Tuska müvafiq xahişlə müraciət etmişdi. Avropa İttifaqı isə vaxtın gələn il martın 30-dək uzadılması barədə alternativ təklif irəli sürüb. Bu isə o deməkdir ki, Britaniya Avropa Parlamentinə keçiriləcək seçkilərdə iştirak etməli olacaq.
Qərar aprelin 10-da Aİ Şurasının iclasında qəbul ediləcək.
Bölmənin digər xəbərləri
