BRÜSSELDƏ AVROPA İTTİFAQI-AZƏRBAYCAN ƏMƏKDAŞLIQ KOMİTƏSİNİN 9-CU İCLASI KEÇİRİLMİŞDİR
Azərbaycan Respublikasının Belçika Krallığında və Lüksemburq Hersoqluğundakı səfirliyinin mətbuat xidmətindən AZƏRTAC-ın xüsusi müxbirinə bildirmişlər ki, iyunun 20-də Brüsseldə Avropa İttifaqı-Azərbaycan Əməkdaşlıq Komitəsinin növbəti 9-cu iclası keçirilmişdir.
İclasda Azərbaycanı xarici işlər nazirinin müavini Mahmud Məmmədquliyevin başçılıq etdiyi nümayəndə heyəti təmsil etmişdir. Avropa İttifaqı (Aİ) nümayəndə heyətinə isə qurumun Şərqi Avropa, Cənubi Qafqaz və Mərkəzi Asiya Respublikaları üzrə direktorluğunun rəhbəri Günar Viqand rəhbərlik etmişdir.
İclasda əsasən Avropa Qonşuluq Siyasəti çərçivəsində Avropa İttifaqı-Azərbaycan fəaliyyət planının həyata keçirilməsi, Ermənistan-Azərbaycan, Dağlıq Qarabağ münaqişəsi, enerji təhlükəsizliyi sahəsində əməkdaşlıq, insan hüquqları, söz azadlığı, seçkilər kütləvi informasiya vasitələri, habelə Aİ-nin müxtəlif sahələrdə dəstək proqramları müzakirə olunmuşdur.
Səfər çərçivəsində Azərbaycanın Dünya Ticarət Təşkilatına daxil olması məsələsi ilə əlaqədar Azərbaycan və Aİ nümayəndə heyətləri arasında görüş keçirilmişdir.
Görüşdə bir sıra məsələlər nəzərdən keçirilmiş və hər iki tərəfi maraqlandıran mövzular müzakirə edilmişdir.
Bölmənin digər xəbərləri
