Bakı, 16 dekabr, AZƏRTAC

İcbari tibbi sığortanın tətbiq olunduğu tibb müəssisələri tərəfindən İcbari Tibbi Sığorta üzrə Dövlət Agentliyinə təqdim edilən ilkin hesabatlara əsasən bu ilin noyabr ayı ərzində Bakı Tibbi ərazi bölmələri (TƏB) üzrə 211 min 287 və Sumqayıt TƏB-i üzrə 42 min 794 vətəndaşa ümumilikdə 985 min 719 tibbi xidmət göstərilib.

Agentliyin Marketinq və ictimaiyyətlə əlaqələr departamentindən AZƏRTAC-a verilən məlumata görə, bu müddətdə tibb müəssisələri, onların struktur bölmələri və müalicə diaqnostika mərkəzlərinə 433 min 184 müraciət daxil olub. Müraciətlər üzrə göstərilən tibbi xidmətlərin 734 min 514-ü ambulator, 251 min 205-i isə stasionar şəraitdə göstərilib.

Bu noyabr ayı üzrə həmin tibbi ərazi bölmələrinə dair əhaliyə göstərilən tibbi xidmətləri əks etdirən bir neçə statistik göstəricini təqdim edirik:

Bakı TƏB-i üzrə əhalinin hər min nəfərinə tibb müəssisələrinə olunan müraciət sayına əsasən ilk onluqda yer alan rayonlar: Yasamal (256), Səbail (256), Nərimanov (247), Pirallahı (223), Sabunçu (215), Nəsimi (210), Xəzər (190), Suraxanı (138), Xətai (84) və Qaradağ (81).

Sumqayıt TƏB-i üzrə əhalinin hər min nəfərinə tibb müəssisələrinə olunan müraciət sayı 113 təşkil edib.

Ən çox xidmət göstərmiş tibb müəssisələrinin ilk onluğu : Sumqayıt Tibb Mərkəzi (129 min 561), Kliniki Tibbi Mərkəzi (105 min 449), akademik M.Ə.Mirqasımov adına Respublika Klinik Xəstəxanası (88 min 257), 5 nömrəli Şəhər Klinik Xəstəxanası (86 min 799), 3 nömrəli Şəhər Klinik Xəstəxanası (60 min 71), K.Y.Fərəcova adına Elmi-Tədqiqat Pediatriya İnstitutu (58 min 308), 26 nömrəli Birləşmiş Şəhər Xəstəxanası (35 min 881), Ə.D.Məlikov adına 6 nömrəli Birləşmiş Şəhər Xəstəxanası (24 min 592), 15 nömrəli Uşaq Poliklinikası (20 min 134) və akademik C.M.Abdullayev adına Elmi-Tədqiqat Kardiologiya İnstitutu (17 min 824).

Ən çox ambulator xidmət göstərmiş tibb müəssisələrinin ilk onluğu: Sumqayıt Tibb Mərkəzi, 5 nömrəli Şəhər Klinik Xəstəxanası, akademik M.Ə.Mirqasımov adına Respublika Klinik Xəstəxanası, Kliniki Tibbi Mərkəzi, 3 nömrəli Şəhər Klinik Xəstəxanası, 26 nömrəli Birləşmiş Şəhər Xəstəxanası, K.Y.Fərəcova adına Elmi-Tədqiqat Pediatriya İnstitutu, 15 nömrəli Uşaq Poliklinikası, Ə.D.Məlikov adına 6 nömrəli Birləşmiş Şəhər Xəstəxanası və 5 nömrəli Uşaq Poliklinikası.

Ən çox stasionar xidmət göstərmiş tibb müəssisələrinin ilk onluğu: Kliniki Tibbi Mərkəzi, Sumqayıt Tibb Mərkəzi, K.Y.Fərəcova adına Elmi-Tədqiqat Pediatriya İnstitutu, akademik M.Ə.Mirqasımov adına Respublika Klinik Xəstəxanası, 3 nömrəli Şəhər Klinik Xəstəxanası, 5 nömrəli Şəhər Klinik Xəstəxanası, 26 nömrəli Birləşmiş Şəhər Xəstəxanası, Ə.D.Məlikov adına 6 nömrəli Birləşmiş Şəhər Xəstəxanası, M.Ə.Əfəndiyev adına 2 nömrəli Şəhər Klinik Xəstəxanası və Respublika Perinatal Mərkəzi.

Ötən ay ərzində Bakı və Sumqayıt TƏB-ləri üzrə tibb müəssisələrinə müraciətlərin çoxu tibbi müayinə (hərbi xidmətə çağırılanların müayinəsi daxil olmaqla), tənəffüs sistemi xəstəlikləri, qan dövranı sistemi xəstəlikləri, həzm sisteminin xəstəlikləri, sümük və əzələ sisteminin və birləşdirici toxumanın xəstəlikləri, endokrin sistemin xəstəlikləri, maddələr mübadiləsi və qidalanma pozğunluğu, sidik-cinsiyyət sisteminin xəstəlikləri, zədələr və zəhərlənmələr, mamalıq və ginekologiya və sinir sistemi xəstəlikləri ilə bağlı olub.

Agentliyə daxil olan hesabatlara əsasən 2021-ci ilin yanvar-oktyabr ayları ərzində ölkə üzrə dövlət tibb müəssisələrində aparılması mümkün olmayan, habelə xüsusi tibbi təchizat və təminat tələb edən stasionar cərrahi xidmətlərlə bağlı müqaviləli tibb müəssisələrində xidmət alması üçün 19 min 763 şəxsə 23 min 683 göndəriş verilib. Bu göndərişlərin 8 min 890-ı invaziv radiologiya, 4 min 687-si radiologiya, 3 min 338-i oftalmologiya, 1 973-ü urologiya, 1 564-ü ürək-damar cərrahiyyəsi, 993-ü neyrocərrahiyyə, 319-u travmatologiya, 212-si kardiologiya, 25-i isə ginekologiya üzrə verilib. Digər sahələr üzrə verilmiş göndərişlərin sayı 1 682 təşkil edib. Qeyd edək ki, göndərişlərin 22 339-u (94 faiz ) planlı, 1 344-ü (6 faiz) isə təcili əsasla qeydə alınıb.

İlkin hesablamalara görə, 2021-ci ilin yanvar-oktyabr ayları ərzində ölkə üzrə 16 min 386 nəfər müvafiq göndərişə əsasən dövlət tibb müəssisələrində aparılması mümkün olmayan, habelə xüsusi tibbi təchizat və təminat tələb edən əməliyyat və xidmətlərlə bağlı müqaviləli tibb müəssisələrinə yönləndirilmişdir ki, bu şəxslərin 464 nəfərini uşaqlar təşkil etmişdir. Belə ki, 18 yaşdan yuxarı 5 min 985 nəfərə invaziv radiologiya (angioqrafiya) üzrə xidmətlər göstərilib. Həmçinin ürək və damar cərrahiyyəsi/kardiologiya üzrə 4 min 866, oftalmologiya üzrə 2 min 958, urologiya üzrə 1 180, nevrologiya/neyrocərrahiyyə üzrə 639, travmatologiya üzrə 347, LOR üzrə 171, digər sahələr üzrə 143, ümumi cərrahiyə üzrə 69, ginekologiya və doğuş üzrə 28 nəfər əməliyyat olunub. Qeyd edək ki, ürək və damar cərrahiyyəsi üzrə əməliyyat keçirən pasiyentlərdən 237 nəfər 18 yaşdan aşağı şəxslərdir. Nəzərə çatdırırıq ki, vətəndaşlara verilmiş göndərişlər əsasında müqaviləli tibb müəssisələri tərəfindən tibbi xidmətlərin göstərilməsi və onların elektron reyestrdə qeydiyyatı davam edir.

Məlumat üçün bildirək ki, 2021-ci ilin noyabr ayında Bakı TƏB üzrə 844 min 720, Sumqayıt TƏB üzrə isə 140 min 999 tibbi xidmət göstərilib. Bütün ölkə üzrə isə noyabr ayı ərzində 620 min 651 nəfərə 1 milyon 44 min 998 müraciət üzrə 2 milyon 388 min 664 tibbi xidmət göstərilib. Müraciətlər üzrə göstərilən tibbi xidmətlərin 1 milyon 956 min 210-u ambulator, 432 min 454-ü isə stasionar şəraitdə göstərilib.

Bundan başqa, icbari tibbi sığortanın cari ilin aprel ayından etibarən tətbiq olunmağa başladığı Bakı TƏB üzrə dekabr ayına qədər 1 milyon 142 min 778 vətəndaşa 2 milyon 398 min 683 müraciət üzrə 5 milyon 93 min 941 tibbi xidmət, Sumqayıt TƏB üzrə isə 214 min 982 vətəndaşa 499 min 7 müraciət üzrə 861 min 657 tibbi xidmət göstərilib.

Cari ilin yanvar-noyabr ayları ərzində isə bütün ölkə üzrə 3 milyon 781 min 748 şəxs tibb müəssisələrinə müraciət edib və onlara 9 milyon 266 min 53 müraciət üzrə 20 milyon 489 min 85 tibbi xidmət göstərilib. Bu xidmətlərdən 15 milyon 981 min 486-sı (78 faiz) 18 yaşdan yuxarı, 4 milyon 507 min 599-u (22 faiz) isə 18 yaşdan aşağı şəxslərə göstərilib.

2020-ci ilin yanvarın 1-nə olan rəsmi məlumata əsasən, Bakı və Sumqayıt TƏB-ləri üzrə qeydiyyatda olan əhalinin sayı 3 milyon 47 min nəfər təşkil edir.