Ermənistan polisi hökumət binasının qarşısına böyük qüvvə yığıb
Bakı, 30 may, AZƏRTAC
Bu gün səhər saatlarında Ermənistan polisi baş nazir Nikol Paşinyanın istefası tələbi ilə elan edilən etiraz mitinqindən əvvəl hökumət binasının qarşısına böyük qüvvələr yeridib.
AZƏRTAC Ermənistan mediasına istinadla xəbər verir ki, dünən etirazçıların lideri arxiyepiskop Baqrat Qalstanyan hökumətin iclası zamanı etiraz aksiyasında iştirak etmək üçün tərəfdarlarını maşınları ilə Nazirlər Kabinetinin binası qarşısındakı Respublika meydanına gəlməyə çağırıb.
Xatırladaq ki, mayın 9-dan başlayaraq İrəvanda baş nazir Nikol Paşinyanın istefası, Azərbaycanla sərhədin delimitasiyası prosesinin dayandırılması tələbi ilə etiraz aksiyası keçirilir. Aksiyaya erməni apostol kilsəsinin Tavuş yeparxiyasının rəhbəri, arxiyepiskop Baqrat Qalstanyan başçılıq edir.
Bölmənin digər xəbərləri
