Cari ildə Avropada 70-dən çox iri sənaye müəssisəsi bağlanıb
Bakı, 9 sentyabr, AZƏRTAC
2025-ci ilin əvvəlindən bəri Avropada 72 böyük sənaye müəssisəsi fəaliyyətini dayandırıb.
AZƏRTAC xəbər verir ki, Avropa restrukturizasiya monitorinqinin məlumatına görə, səkkiz ay ərzində bağlanan müəssisələrin sayı qlobal maliyyə böhranı dövründən bəri ən yüksək səviyyəyə çatıb. Hətta pandemiya illərində belə bağlanan zavodların sayı 50-yə çatmamışdı.
Əvvəlki illərdə bağlanan müəssisələrin əksəriyyəti Almaniyada yerləşirdi, 2025-ci ildə isə bu siyahıya İspaniya (bağlanan zavodların 17 faizi), Fransa (14 faizi), Çexiya və Almaniya (hər biri 11 faiz) başçılıq edir.
Cari ildə sənaye müəssisələrinin bağlanması nəticəsində 18 min nəfər işini itirib. Bu, tarixdə üçüncü ən böyük göstəricidir — pandemiya dövründə 18,7 min nəfər, qlobal maliyyə böhranı zamanı isə 27,3 min nəfər işdən çıxarılmışdı.
Bölmənin digər xəbərləri
