Cari ildə Salyanda 7 min hektar sahədə pambıq əkiləcək
Salyan, 30 aprel, Mahir Babayev, AZƏRTAC
Salyanda çiyid səpini müvəffəqiyyətlə davam edir. Ötən il 10 min tona yaxın pambıq istehsal edən salyanlılar cari ildə 7 min 555 hektar sahədə pambıq əkməyi planlaşdırıblar.
AZƏRTAC-ın bölgə müxbiri xəbər verir ki, sahələrdə bol məhsul yetişdirmək üçün məhsul istehsalçıları ilə müqavilələr də bağlanılıb.
Aqronom Ələsgər Əliyev bildirib ki, rayonda əkin sahələri şumlanıb, arata qoyulub və malalanaraq səpinə hazırlanıb. Texnika sarıdan da heç bir çətinlik yoxdur. Sahələrə kifayət qədər maşın mexanizm və səpin aqreqatları çıxarılıb. Səpin zamanı rayonlaşdırılmış toxum sortları ilə yanaşı, Türkiyədən gətirilmiş yüksək reproduksiyalı toxumlardan da istifadə olunur. Artıq 1100 hektar sahədə çiyid səpini aparılıb. Məhsul istehsalçıları səpin kampaniyasını vaxtında başa çatdırmaq üçün intensiv üsullardan səmərəli istifadə edirlər.
Bölmənin digər xəbərləri
