CCİC ŞİRKƏTİNİN SAHİBKARLARLA GÖRÜŞÜ
CCİC-in meneceri Juan Bulos sahibkarlara bildirmişdir ki, şirkət Azərbaycanda üç ildir fəaliyyət göstərir və Bakı-Tbilisi-Ceyhan boru kəməri layihəsinin həyata keçirilməsi üzrə BTC Co şirkətinin keçirdiyi tenderin qalibidir. Şirkət öz işini beynəlxalq standartlara uyğun qurur və Bakı-Tbilisi-Ceyhan boru kəmərinin inşasında həmin standartlara riayət edəcəkdir.
Boru kəmərinin 54 kilometri Ağstafa rayonunun ərazisindən keçəcəkdir. Rayonda Bakı-Tbilisi-Ceyhan boru kəmərinin inşası ilə əlaqədar işlər cari ilin avqustundan başlanacaq və ilkin olaraq, Yeni Poylu kəndində fəhlə düşərgəsinin və biri Ağstafa şəhərində, digəri isə Böyük Kəsik kəndində olmaqla, iki boru anbarının tikintisini əhatə edəcəkdir. Ağstafa şəhərində şirkətin layihə məlumat mərkəzi də açılacaqdır. Juan Bulos sahibkarları maraqlandıran suallara cavab verərək bildirmişdir ki, kəmərin çəkilişində yerli əhalidən də işə cəlb edilənlər olacaqdır.
Bölmənin digər xəbərləri
