Cənubi Koreya Prezidenti KXDR-in sülh barədə müqavilə tələbini dəstəkləyib
Bakı, 19 aprel, AZƏRTAC
Cənubi Koreya Prezidenti Mun Ce-in aprelin 19-da Seulda yerli KİV nümayəndələri qarşısında çıxış edərkən KXDR-in atəşkəs üzrə əvvəlki sazişin əvəzinə sülh barədə müqavilə bağlamaq təklifini dəstəkləyib.
AZƏRTAC xarici KİV-lərə istinadla xəbər verir ki, onun Koreya dilində çıxışının mətni prezident administrasiyasının rəsmi saytında yerləşdirilib. “65 ildir davam edən atəşkəs rejiminə son qoymaq və müharibənin dayandırılması barədə deklarasiya vasitəsilə sülh müqaviləsinin bağlanması istiqamətində irəliləmək lazımdır”, - deyə Koreya Respublikasının Prezidenti bildirib.
Xatırladaq ki, 1950-1953-cü illərdə baş vermiş Koreya müharibəsindən sonra KXDR və ABŞ arasında yalnız atəşkəs barədə saziş imzalandığı üçün bu iki ölkə rəsmi olaraq müharibə vəziyyətindədir. Pxenyanın cəhdlərinə baxmayaraq, Vaşinqton indiyə qədər sülh barədə müqaviləni rədd edib və hazırda miqdarı 28 min nəfərdən çox olan hərbi kontingentini Cənubi Koreyada saxlayıb.
Bölmənin digər xəbərləri
