ÇEÇENİSTANDA XÜSUSİ ƏMƏLİYYAT ZAMANI 5 SİLAHLI ÖLDÜRÜLMÜŞ, ƏRƏB MUZDLUSU YASİR YARALANMIŞDIR
Bakı, 11 noyabr (AZƏRTAC). Çeçenistanın Şali rayonunda respublika DİN və Rusiya FTX-nin birgə xüsusi əməliyyatı zamanı ərəb muzdlusu Yasirin başçılıq etdiyi terrorçularla silahlı toqquşma olmuşdur. Serjen-Yurt kəndinin kənarında mühasirəyə alınan quldur dəstəsi ilə atışma zamanı 5 silahlı zərərsizləşdirilmiş, yaralanmış Yasir əsir düşmüşdür. Hüquq mühafizə işçilərindən xəsarət alan olmamışdır.
Ərəb muzdlusu Çeçenistan ərazisində intiharçı - terrorçuların aksiyalar hazırlamasının və həyata keçirməsinin əsas təşkilatçılarından sayılır. Hazırda dəstənin sağ qalan üzvləri dağ-meşə yerlərində gizlənmək üçün mühasirəni yarmağa çalışır. Onların zərərsizləşdirilməsi üçün əməliyyat davam edir. Xüsusi əməliyyata Respublika Prezidenti Ramzan Kadırov rəhbərlik edir.
Bölmənin digər xəbərləri
