CÜDO ÜZRƏ ÖLKƏ ÇEMPİONATI DEKABRIN 25-DƏ START GÖTÜRƏCƏKDİR
AZƏRTAC xəbər verir ki, dekabrın 25-də Bakı İdman Sarayında növbəti cüdo üzrə ölkə çempionatı start götürəcəkdir. Yarışda Pekin Olimpiadasının çempionu Elnur Məmmədli və bürünc medalçı Mövlud Mirəliyev və Azərbaycanın bir çox başqa tanınmış idmançıları iştirak edəcəklər.
Xatırladaq ki, hazırda Tokioda başa çatmaqda olan cüdonun banisi Dziqaro Kanonun xatirəsinə həsr edilmiş turnirdən sonra Azərbaycanın cüdo üzrə komandası təlim-məşq toplanışına başlamışdır. Toplanışda Azərbaycan idmançıları ilə yanaşı bir çox ölkələrin cüdoçuları da iştirak edirlər.
Toplanışda yalnız iki cüdoçumuz - Elnur Məmmədli (73 kq) və Zaur Paşayev (90 kq) iştirak edirlər.
Bölmənin digər xəbərləri
