DAŞINMAZ ƏMLAK BAZARINDA QİYMƏT İNDEKSİ XEYLİ YÜKSƏLMİŞDİR
“MBA Konsaltinq” şirkətindən AZƏRTAC-a bildirmişlər ki, əhalinin yaşayış və kommersiya sahələrinə artan tələbi müqabilində daşınmaz əmlak bazarında təklifin çoxalmasına baxmayaraq, mayda əvvəlki ayla müqayisədə bağlanmış əqdlərin sayı 1,5 faiz, qiymətlər isə 2 faiz artmışdır.
Bakı şəhəri üzrə daşınmaz əmlak bazarında ötən ilin may ayı ilə müqayisədə cari ilin mayında qiymətlərin artım sürəti (2 faiz) daha intensiv olmuş, bazarın fəallığı isə, əksinə, azalmışdır. Ötən beş ayda daşınmaz əmlak bazarında qiymətlərin dinamikasını əks etdirən qiymət indeksi tədricən 334,5 bəndədək yüksəlmiş, artım may ayı ərzində 1,8 faiz təşkil etmişdir.
Bölmənin digər xəbərləri
