Daxili işlər naziri Tovuzda vətəndaşların müraciətlərini dinləyəcək
Bakı, 23 aprel, AZƏRTAC
Daxili işlər naziri general-polkovnik Vilayət Eyvazov aprelin 30-da Tovuz Rayon Polis Şöbəsinin inzibati binasında Tovuz, Şəmkir, Gədəbəy, Daşkəsən, Qazax və Ağstafa sakinlərinin müraciətlərini dinləyəcək.
Daxili İşlər Nazirliyinin (DİN) mətbuat xidmətindən AZƏRTAC-a verilən məlumata görə, həmin gün daxili işlər naziri tərəfindən bölgə üzrə polis orqanlarında vakant vəzifələrdə xidmətə qəbulla əlaqədar sıra baxışı da keçiriləcək.
Nazirlə görüşmək istəyən vətəndaşlar Daxili İşlər Nazirliyinin səlahiyyətlərinə aid məsələlərlə bağlı aprelin 29-dək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər. Bunun üçün onlardan şəxsiyyət vəsiqəsi tələb olunur.
Bölmənin digər xəbərləri
