DAYIKƏND VƏ SEYİDLƏR KƏNDLƏRİNƏ TƏBİİ QAZIN VERİLMƏSİ BƏRPA EDİLMİŞDİR
AZƏRTAC-ın müxbiri xəbər verir ki, Salyanın Dayıkənd və Seyidlər kəndlərinə təbii qazın verilməsi bərpa olunmuşdur. 3,5 kilometr uzunluğunda xətlər təzələnmiş, bəzi sahələr təmir edilmiş, ilkin mərhələdə 15 ailəyə mavi yanacaq çatdırılmışdır.
Rayon icra hakimiyyətinin başçısı Rasim Bəşirov sakinləri təbrik etmiş, Prezident İlham Əliyevin regionların inkişafına xüsusi diqqət və tələbkarlıqla yanaşdığını diqqətə çatdırmış, bu istiqamətdə işlərin davam etdiriləcəyini, tezliklə rayonun bütün yaşayış məntəqələrinin tam həcmdə qazlaşdırılacağını bildirmişdir.
Bölmənin digər xəbərləri
