DƏNİZDƏ NEFT-QAZ HASİLATINI ARTIRMAQ ÜÇÜN TƏDBİRLƏR GÖRÜLÜR
ARDNŞ-dən AZƏRTAC-a verilən məlumata görə, hazırda dəniz mədənlərində 154 kilometr uzunluğunda estakada, 288 estakadayanı meydança, 186 stasionar, 13 dərin dəniz özülü vardır. Estakadanın 38 kilometri, estakadayanı meydançanın 74-ü, özüllərin 10-u yararsız vəziyyətdədir. Dənizdəki neft-qaz yataqlarının səmərəli istismarının hidrotexniki qurğuların vəziyyətindən bilavasitə asılı olduğunu nəzərə alan şirkət rəhbərliyi bu qurğuları yararlı vəziyyətə gətirmək üçün tədbirlər görür. Bu məqsədlə hidrotexniki qurğuların və texniki şəbəkələrin təmir-bərpa işlərini daha da intensivləşdirmək nəzərdə tutulur.
Bölmənin digər xəbərləri
