Dövlət büdcəsindən maliyyələşən bir sıra təşkilatlarda çalışan işçilərin əməkhaqları artırılmışdır
Bakı, 13 oktyabr (AZƏRTAC). Oktyabrın 13-də Prezident İlham Əliyev “Dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması haqqında” Sərəncam imzalamışdır.
Sərəncama əsasən, AMEA-nın Rəyasət Heyətinin və aparatının, Naxçıvan bölməsinin Aparatının, Elmi İnnovasiyalar Mərkəzinin, Dövlət İdarəçilik Akademiyasının, Xarici İşlər Nazirliyinin Diplomatik Akademiyasının, Azərbaycan Dövlət Teleqraf Agentliyi - AZƏRTAC-ın, “Azərbaycan Milli Ensiklopediyası” Elmi Mərkəzinin, Atatürk Mərkəzinin, dövlət arxivləri və onların filialları, rayon (şəhər) dövlət arxivlərinin, Dövlət Sirrinin Mühafizəsi üzrə İdarələrarası Komissiyanın İşçi Qrupunun, Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının İşçi Qrupunun, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun, Dövlət Film Fondunun və onun Naxçıvan filialının, Elmin İnkişafı Fondunun, Kütləvi İnformasiya Vasitələrinin İnkişafına Dövlət Dəstəyi Fondunun, Qeyri-hökumət təşkilatlarına Dövlət Dəstəyi Şurasının Katibliyinin işçilərinin aylıq vəzifə maaşları oktyabrın 1-dən orta hesabla 10 faiz artırılmışdır.
Bölmənin digər xəbərləri
