Dövlət Turizm Agentliyinin sədri: Bu konfrans ölkəmizin tibbi turizm potensialının tanıdılmasında mühüm addımdır
Bakı, 4 noyabr, AZƏRTAC
Sağlam yaşam turizmi Azərbaycanın turizm təkliflərinin genişlənməsində əhəmiyyətli rol oynayır. Mədəni-tarixi irsimizin müasir sağlam yaşam turizmi təcrübələri ilə uzlaşdırılması həm milli dəyərlərimizin qorunmasına, həm də onların yeni turizm məhsulları vasitəsilə beynəlxalq ziyarətçilərə təqdim edilməsinə imkan yaradır.
AZƏRTAC xəbər verir ki, bunu Dövlət Turizm Agentliyinin sədri Fuad Nağıyev 3-cü Beynəlxalq Sağlamlıq Turizmi Konfransındakı çıxışı zamanı deyib.
F.Nağıyev qeyd edib ki, səhiyyə təşkilatları, turizm şirkətləri və beynəlxalq tərəfdaşlar arasında əməkdaşlığın genişlənməsi ölkəmizin tibbi turizm imkanlarının daha effektiv təqdim olunmasına, yüksək keyfiyyətli xidmətlərin inkişafına mühüm töhfə verəcək: “2024-cü ildə Şuşada keçirilən ilk konfransdan etibarən bu təşəbbüs dövlət qurumlarını, yerli və beynəlxalq ekspertləri, səhiyyə təşkilatlarını və turizm sənayesinin nümayəndələrini bir araya gətirən mühüm əməkdaşlıq platformasına çevrilib. İnanıram ki, bu konfrans Azərbaycanın tibbi və sağlamlıq turizmi sahəsində mövcud potensialının beynəlxalq səviyyədə daha çox tanıdılmasında və sektorun davamlı inkişafında mühüm addım olacaq”.
Bölmənin digər xəbərləri
