Dubayda “Van Qoq. Canlanmış əsərlər” adlı sərgi açılacaq
Əbu-Dabi, 12 mart, AZƏRTAC
Tanınmış holland rəssamı Vinsent Van Qoqun əl işlərinin “Van Qoq. Canlanmış əsərlər” adlı məşhur sərgisi artıq Dubaydadır. Yerli KİV-lərin məlumatına görə sərgi 6 həftə ərzində nümayiş etdiriləcək.
AZƏRTAC xəbər verir ki, sərgidə Van Qoqun 3000-dən artıq rəsmi, o cümlədən ən məşhur əsərləri təqdim olunacaq. Ayırdetmə qabiliyyəti yüksək olan xüsusi proyektorlar sayəsində dahi rəssamın əsərləri divarda, tavanda, hətta döşəmədə əks olunacaq. Xüsusi olaraq klassik musiqilərdən seçilən saundtrek rəsmlərin təsirini daha da gücləndirəcək və yüksək incəsənət həvəskarları Van Qoqun məşhur əsərləri qarşısında xəyala dalacaqlar. Qeyd olunur ki, sərgidə bəzi əsərlər tam halda, bəziləri isə ya hissələrə bölünmüş, ya da əksinə - dəfələrlə böyüdülmüş şəkildə nümayiş etdiriləcək.
Asya Hacızadə
AZƏRTAC-ın xüsusi müxbiri
Əbu-Dabi
Bölmənin digər xəbərləri
