DÜNYA ƏRZAQ PROQRAMI ƏRZAQ BÖHRANI İLƏ BAĞLI STRATEJİ PLAN QƏBUL ETMİŞDİR
İqamətgahı Romada olan BMT-nin Dünya Ərzaq Proqramının (DƏP) İcraiyyə Şurası qlobal ərzaq böhranının mənfi nəticələrini aradan qaldırmaq üçün dördillik strateji plan qəbul etmişdir.
Qurumun Azərbaycan nümayəndəliyindən AZƏRTAC-a bildirmişlər ki, strateji plan aclıq dalğasına son qoyacaq, yerli bazarları dəstəkləyən ərzaq yardımında inqilab edəcəkdir. Xatırladılır ki, keçən il DƏP inkişaf etməkdə olan 69 ölkədə 612 milyon ABŞ dolları xərcləmişdir. Plan, eyni zamanda, problemin həllində, ərzağın yerli bazarlardan alınması və yerli bazarlarda ərzaq olduğu, lakin insanların onu əldə etmək imkanları olmadığı təqdirdə pul və vauçer proqramlarının istifadəsini nəzərdə tutur. DƏP iqtisadi inkişaf və bazarın inkişafına yardım etmək məqsədi ilə kiçik fermerliyin, yerli nəqliyyatın və kommunikasiya şəbəkəsinin gücləndirilməsi üçün öz alıcılıq qabiliyyətindən istifadə edəcəkdir.
Planda əksini tapmış həll yollarına erkən xəbərdarlıq sistemi və ərzaq böhranına həssaslığın təhlili, xilasedici vəziyyətlərdə çevik və səmərəli böhrana cavabı təmin etməklə hazırlıq və fəlakətin nəticələrinin azaldılması və ya yüngülləşdirilməsi daxildir. Xroniki aclığın nəsildən-nəslə keçən ardıcıllığına son qoymaq da planın əsas hissələrindən biridir.
Bölmənin digər xəbərləri
