Əbu-Dabidə dalğıclar dənizin dibindən 1,5 tona yaxın zibil çıxarıblar
Əbu-Dabi, 10 aprel, AZƏRTAC
Əbu-Dabidə keçirilən aksiya zamanı dalğıclar paytaxt bulvarında dənizin dibindən 1,5 tona yaxın zibil çıxarıblar.
AZƏRTAC Birləşmiş Ərəb Əmirliklərinin (BƏƏ) KİV-lərinə istinadla xəbər verir ki, aksiyanın keçirilməsində məqsəd ölkənin ətraf mühitinin mühafizəsi və dəniz suyunun təmiz saxlanılmasının vacibliyi məsələlərində vətəndaşlarda məlumatlılığı artırmaqdır.
Dalğıclar dənizin dibini plastik butulka, alüminium banka, qida konteyneri və inşaat tullantılarından təmizləyiblər. “TogetherWeMakeTheDifference” adlanan kampaniya dalğıcları cəlb etməklə dənizin təmizlənməsi aksiyasını ikinci dəfədir həyata keçirir. Hazırkı aksiya Əbu-Dabinin Ətraf Mühitin Mühafizəsi Agentliyinin BƏƏ-nin Dalğıclar Assosiasiyası və Əbu-Dabinin beynəlxalq dəniz idman klubunun birgə əməkdaşlığı ilə təşkil olunub.
Aksiya təşkilatçılarının fikrincə, təmizləmə kampaniyası dəniz və landşaftların müxtəlif bioloji növlərin təhlükəsiz yaşayış məkanı olması məqsədi daşıyan tədbirlərdən yalnız biridir. Çünki toksik materiallar və plastik kütlələr normal inkişafa, artıma nəinki mane olur, həmçinin dəniz növlərinə, ekosistemə məhvedici təsir göstərir.
Asya Hacızadə
AZƏRTAC-ın xüsusi müxbiri
Əbu-Dabi
Bölmənin digər xəbərləri
