ƏCNƏBİ GƏNCLƏRİN AZƏRBAYCANIN ALİ MƏKTƏBLƏRİNDƏ TƏHSİL ALMAĞA MARAQLARI ARTMIŞDIR
Təhsil Nazirliyindən AZƏRTAC-a bildirmişlər ki, 2007-2008-ci tədris ilində ölkəmizin ali məktəblərində Türkiyə, Rusiya, Almaniya, ABŞ, Çin, İran, Hindistan, Misir, Kanada, İordaniya və digər ölkələrdən olan 6 min 300-dən artıq gənc təhsil alır.
Onların 1228-i Bakı Dövlət Universitetində, 522-si Azərbaycan Dövlət Neft Akademiyasında, 706-sı Azərbaycan Tibb Universitetində, 449-u Qafqaz Universitetində, 732-si Azərbaycan Dövlət İqtisad Universitetində, qalanları digər ali təhsil müəssisələrində oxuyurlar.
Əcnəbi tələbələrin təhsili üçün bütün lazımi şərait yaradılmışdır.
Bölmənin digər xəbərləri
