Ekspres-informasiya kitabçası nəşr olunub
Bakı, 26 oktyabr, AZƏRTAC
Azərbaycan Milli Elmlər Akademiyasının (AMEA) İnformasiya Texnologiyaları İnstitutunda (İTİ) “Elektron elm: müasir vəziyyəti, problemləri və inkişaf perspektivləri” adlı ekspres-informasiya nəşr olunub.
İTİ-dən AZƏRTAC-a bildiriblər ki, yeni nəşrin müəllifləri akademik Rasim Əliquliyev, texnika üzrə fəlsəfə doktoru Rəşid Ələkbərov, texnika elmləri doktoru Ramiz Alıquliyev və Təhmasib Fətəliyevdir.
Ekspres-informasiya Azərbaycan Respublikasının Prezidenti yanında Elmin İnkişafı Fondunun maliyyələşdirdiyi “Elektron elm və onun funksional altsistemlərinin sintezi üçün yeni metod və alqoritmlərin işlənilməsi” qrant layihəsi çərçivəsində aparılan araşdırmaların nəticələri əsasında hazırlanıb.
İnformasiya Texnologiyaları İnstitutunun elmi şurasının qərarı ilə çapa tövsiyə olunan kitabçada elektron elmin mahiyyəti, məqsəd və vəzifələri izah olunub, elektron elm sahəsində beynəlxalq təcrübə və çağırışlar, elmi-nəzəri və praktiki problemlər təhlil edilib.
Bölmənin digər xəbərləri
