Əli Eyvazov: Könüllü olmaq fərq yaratmaq deməkdir
Bakı, 29 avqust, AZƏRTAC
İlk dəfədir ki, Bakı Şəhər Halqasında könüllülüyə müraciət etmişəm. “Grand Centre”də namizədliyim irəli sürülüb və əgər seçilsəm, bu, mənim üçün çox maraqlı və dəyərli təcrübə olacaq. Tədbirlər yüksək səviyyədə təşkil edilir və çalışıram ki, könüllü fəaliyyətlərdə də aktiv iştirak edim. Könüllü olmaq üstünlükdür, adi olmaqdan seçilmək isə bizim üçün zərurətdir. Çünki bu seçim həm sosiallaşmaq, həm də inkişaf etmək deməkdir.
AZƏRTAC xəbər verir ki, bu fikirləri könüllü Əli Eyvazov jurnalistlərə açıqlamasında bildirib.
Gənc könüllü əlavə edib ki, panel müzakirələr və tədbirlər iştirakçıların hərtərəfli inkişafına mühüm töhfə verir: “Burada həm ingilis dilində danışaraq xarici dil bacarıqlarımızı inkişaf etdiririk, həm də sosial mühitdə daha aktiv oluruq. Yeni mühit yeni inkişaf deməkdir. Bununla yanaşı, karyeramızın inkişafı üçün təcrübəli insanlardan faydalı məsləhətlər alırıq ki, bu da bizə üstünlük qazandırır”.
18 yaşlı gənc könüllülüyün onun həyatında mühüm rol oynadığını bildirib: “Könüllü olmaq fərq yaratmaq deməkdir. Könüllü ol, fərq yarat!”
Bölmənin digər xəbərləri
