Əlilliyi olan şəxslərə illik sosial ödəniş xərcləri son 4 ildə 65 faiz və ya 736 milyon manat artıb
Bakı, 7 dekabr, AZƏRTAC
Əlilliyi olan şəxslərə pensiya və ya müavinət, o cümlədən müharibə ilə əlaqədar əlilliyi olanlara Prezidentin aylıq təqaüdü ödənilir. Bütün bu ödənişlər üzrə illik xərclər 2018-2021-ci illərdə 65 faiz və ya 736 milyon manat artıb.
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, illik xərclərdə əlilliyə görə pensiyalar üzrə 44 faiz, əlilliyə görə müavinətlər üzrə 2,6 dəfə, xüsusi kateqoriyalara aid əlilliyi olan şəxslərə ödənilən təqaüdlər üzrə 4 dəfə artım olub.
Sağlamlıq imkanları məhdud uşaqlar üçün sosial ödənişlər üzrə isə illik xərclər 54 faiz artıb.
Bölmənin digər xəbərləri
