ERMƏNİSTAN SİLAHLI QÜVVƏLƏRİNİN BÖLMƏLƏRİ ATƏŞKƏS REJİMİNİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan Silahlı Qüvvələrinin bölmələri mayın 15-də saat 8.20-dən 8.30-dək və mayın 16-sı saat 1.15-dən 1.40-dək Füzuli rayonu ərazisindəki adsız yüksəkliklərdə yerləşən mövqelərindən, saat 11.15-dən 11.40-dək və mayın 16-sı saat 00.20-dən 00.45-dək Ermənistanın Berd rayonunun Çinari və Mosesqex kəndləri ərazisində yerləşən mövqelərindən Milli Ordumuzun Tovuz rayonu ərazisindəki adsız yüksəkliklərdə və Koxanəbi kəndi sahəsində yerləşən mövqelərini, saat 15.30-dan 23.36-dək ara-sıra Xocavənd rayonunun Kuropatkino kəndi yaxınlığında yerləşən mövqelərindən, saat 23.30-dan 23.42-dək Ağdam rayonunun Yusifcanlı kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
