Formula 1 çempionatının Meksika Qran-Prisində bütün uik-end boyunca yağış gözlənilir
Bakı, 24 oktyabr, AZƏRTAC
Formula 1 yürüşlərinin Meksika Qran-Prisi günlərində yağış gözlənilir.
AZƏRTAC “GPFans”a istinadla xəbər verir ki, havanın proqnozu cümə günü 60 faiz, şənbə və bazar günləri isə 80 faiz yağış ehtimalını göstərir. Görünür ki, pilotları yağışlı uik-end gözləyir.
Trass üzərində yağış artıq cümə axşamından başlayacaq. Bu səbəbdən də artıq birinci məşq üçün trass nəm olacaq. Havanın hərarəti 21 dərəcə olduğu halda yağış kəssə belə, trasın quruması gözlənilmir.
Meksika Qran-Prisində “Mercedes”in britaniyalı pilotu Lüis Hemilton çempion titulunu vaxtından əvvəl müəyyən edə bilər. Bu qələbə Hemilton üçün sayca altıncı olacaq. Konstruktorlar Kuboku uğrunda mübarizə faktiki olaraq başa çatıb. Ötən mərhələdə - Yaponiya Qran-Prisində “Mercedes” vaxtından əvvəl növbəti titula sahib olub.
Bölmənin digər xəbərləri
