Türkiyədə 800-dən çox şəxsi aldadaraq 116 milyon lirə mənimsəyən qruplaşma ifşa edilib
İstanbul, 15 avqust, AZƏRTAC
Türkiyədə ölkə vətəndaşlarını internet infrastrukturu dəyişikliyi bəhanəsi ilə aldadaraq 116 milyon lirə mənimsəyən qruplaşma ifşa olunub.
AZƏRTAC xəbər verir ki, bununla bağlı Türkiyənin Eskişehir Baş Prokurorluğu tərəfindən ölkənin 18 şəhərində keçirilən əməliyyat nəticəsində 90 şübhəli saxlanılıb.
Onların qeyd edilən yolla təxminən 801 nəfəri aldatdığı bildirilir.
Əməliyyat zamanı 13 şirkətin hesabları, eləcə də müxtəlif avtomobil, daşınmaz əmlak və torpaq sahələri müsadirə olunub.
Günel Karatepe
AZƏRTAC-ın xüsusi müxbiri
İstanbul
Bölmənin digər xəbərləri
