Cəlilabadda “Erkən müayinə can qurtarır!” aksiyası təşkil olunub
Bakı, 15 avqust, AZƏRTAC
“Paşa Holding“in və Səhiyyə Nazirliyinin birgə təşəbbüsü, Cəlilabad Rayon İcra Hakimiyyətinin dəstəyi və “ALL Medical” şirkətinin icraçılığı ilə həyata keçirilən Fərqindəlik Layihəsi çərçivəsində “Erkən müayinə can qurtarır!” aksiyası Cəlilabad rayonunun Xanəgah kənd Tibb məntəqəsində keçirilib.
Bu barədə AZƏRTAC-a Səhiyyə Nazirliyindən məlumat verilib.
Bildirilib ki, aksiyanın əsas məqsədi əhalinin sağlamlığının qorunması, xəstəliklərin erkən mərhələdə aşkarlanmasının əhəmiyyəti barədə maarifləndirmənin artırılması və sakinləri vaxtında tibbi müayinələrdən keçməyə təşviq etməkdir.
Aksiya zamanı kənd sakinlərinə tibbi müayinələrin əhəmiyyəti barədə məlumat verilib və sağlamlıq vəziyyətinə vaxtında nəzarət etməyin vacibliyi vurğulanıb.
Bölmənin digər xəbərləri
