Fransada dövlət qulluqçuları yeni qanun layihəsinə etiraz edirlər
Paris, 9 may, AZƏRTAC
Fransada hökumətin dövlət qulluğunun müasirləşdirilməsinə dair qanun layihəsinə etiraz olaraq dövlət qulluqçuları nümayiş keçirirlər.
AZƏRTAC xəbər verir ki, həmkarlar ittifaqları dövlət qulluqçularını küçələrə axışmağa çağırıb. Ölkə üzrə 150 nümayiş təşkil olunub.
Qeyd edək ki, bu, Emmanuel Makronun prezidentliyi dövründə dövlət qulluğu ilə bağlı keçirilən dördüncü kütləvi nümayişdir. Ancaq ilk dəfədir ki, hökumət bütün həmkarlar təşkilatlarının səfərbərliyi ilə üzləşir. Yeni qanuna əsasən 2022-ci ilə qədər 120 min dövlət qulluqçusu iş yeri ilə xudahafizləşməlidir.
Nümayişçilər arasında təhsil və səhiyyə sahələrinin nümayəndələri daha çox fərqlənir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
