Futbol üzrə Beynəlxalq Çempionlar Kubokunun oyunları iyul-avqust aylarında keçiriləcək
Bakı, 28 mart, Nicat Məmmədov, AZƏRTAC
2019-cu il futbol üzrə Beynəlxalq Çempionlar Kubokunun oyunları iyulun 16-dan avqustun 10-dək ABŞ, Asiya və Avropada keçiriləcək.
AZƏRTAC xəbər verir ki, turnirdə 12 komanda iştirak edəcək.
Bütün oyunların cədvəli aşağıdakı şəkildədir: iyulun 16-da ABŞ-da İtaliyanın “Roma” komandası ilə Meksikanın “Qvadalahar” komandası, iyulun 17-də İngiltərənin “Arsenal” komandası ilə “Almaniyanın “Bavariya” komandası; iyulun 20-də Sinqapurda İngiltərənin “Mançester Yunayted” komandası ilə İtaliyanın “İnter” komandası, ABŞ-da Portuqaliyanın “Benfika” komandası ilə “Qvadalahar” komandası, “Arsenal” ilə “Roma”, “Bavariya” ilə İspaniyanın “Real” komandası; iyulun 21-də Sinqapurda İtaliyanın “Yuventus”u ilə İngiltərənin “Tottenhem” komandası; iyulun 23-də ABŞ-da “Real”-“Arsenal”, “Bavariya”-“Milan”, “Qvadalahar”-“Atletiko”; iyulun 24-də Çində “Yuventus”-“İnter”, ABŞ-da “Roma”-“Benfika”; iyulun 25-də Çində “Tottenhem”-“Mançester Yunayted”; iyulun 26-da ABŞ-da “Real”-“Atletiko”; iyulun 28-də ABŞ-da “Milan”-“Benfika”; avqustun 3-də ABŞ-da “Mançester Yunayted”-“Milan”; avqustun 4-də İngiltərədə “Tottenhem”-“İnter”; avqustun 10-da isə İsveçdə “Atletiko”-“Yuventus” komandaları qarşılaşacaq.
Bölmənin digər xəbərləri
