GƏNC RƏSSAMIN YENİ UĞURU
Yunanıstanda keçirilən və olimpiya oyunlarına həsr edilən 10-cu Beynəlxalq uşaq rəsmləri sərgisi başa çatmışdır. Özbəkistandan bu rəsm sərgisində Daşkənddə yaşayan 14 yaşlı soydaşımız, orta məktəb şagirdi Sevil Əliyeva iştirak etmişdir. Onun olimpiya oyunları mövzusunda çəkdiyi şəkillər sərginin münsiflər heyəti tərəfindən layiqinci qiymətləndirilmiş və gənc rəssam Daşkəndə sərginin birinci mükafatı və medalla qayıtmışdır.
Uşaq rəssamların beynəlxalq sərgilərinin diplomçusu Sevil Əliyeva 1998-ci ildə Daşkənddə keçirilən istedadlı uşaqların VII toplantısında birinci yeri tutmuş, iki il sonra isə “Uşaq yaradıcılığı - 2000” festivalının baş mükafatını almışdır. O, həmçinin Çexiya, Yaponiya, Hollandiya və başqa ölkələrdə təşkil edilən sərgilərdə baş mükafata layiq görülmüşdür.
Ötən ilin sonunda isə gənc soydaşımız Sevil Əliyevanın Daşkənddə ilk fərdi sərgisi uğurla keçirilmişdir.
Qulu Kəngərli
AZƏRTAC -ın xüsusi müxbiri
Daşkənd
Bölmənin digər xəbərləri
