“Gəncə incəsənəti” mövzusunda respublika elmi konfransı keçiriləсək
Bakı, 12 iyun, AZƏRTAC
Azərbaycan Milli Elmlər Akademiyası (AMEA) Gəncə Bölməsinin Diyarşünaslıq İnstitutunun təşkilatçılığı ilə sentyabrın 18-də “Gəncə incəsənəti” mövzusunda respublika elmi konfransı keçiriləсək.
Bu barədə AZƏRTAC-a AMEA-dan məlumat verilib. Respublika elmi konfransı “Azərbaycan mədəniyyətinin inkişaf tarixi: xalq sənətkarlığı və dekorativ - tətbiqi sənət”, “Gəncə memarlığı, tarixi abidələrin mühafizəsi və bərpası. Milli-mənəvi dəyərlərin qorunmasında sənətkarlığın rolu”, “Üzeyir Hacıbəyli və Gəncə musiqi mədəniyyəti tarixi” istiqamətlərini əhatə edəcək.
Konfransa məqalələri avqustun 18-dək göndərmək olar.
Respublika elmi konfransında ali təhsil və elmi-tədqiqat müəssisələrini təmsil edən professor-müəllim heyəti, doktorant, dissertant və elmi işçilər iştirak edə bilər.
Konfrans materialları jurnal formasında AMEA Gəncə Bölməsinin rəsmi saytında yerləşdiriləcək, eləcə də çap formatında nəşr olunacaq.
Bölmənin digər xəbərləri
