ELM VƏ TƏHSİL
Goranboyda iki məktəb açılışı olub
![](/files/galleryphoto/2022/3/1200x630/1662991835218057008_1200x630.jpg)
![](/files/galleryphoto/2022/3/1200x630/16629918353304565441_1200x630.jpg)
![](/files/galleryphoto/2022/3/1200x630/16629918352717640907_1200x630.jpg)
![](/files/galleryphoto/2022/3/1200x630/1662991835955559943_1200x630.jpg)
![](/files/galleryphoto/2022/3/1200x630/16629918354959319518_1200x630.jpg)
![](/files/galleryphoto/2022/3/1200x630/16629918355842611445_1200x630.jpg)
![](/files/galleryphoto/2022/3/1200x630/16629918352773546398_1200x630.jpg)
Bakı, 12 sentyabr, AZƏRTAC
Sentyabrın 12-də Goranboy rayonunda M.Zeynalov adına Dəliməmmədli şəhər tam orta məktəb və F.Rüstəmov adına Tap kənd tam orta məktəb üçün yeni tikilmiş tədris binalarının açılış mərasimi keçirilib.
Bu barədə AZƏRTAC-a Elm və Təhsil Nazirliyindən məlumat verilib.
Açılış mərasimlərində elm və təhsil nazirinin müavini Muxtar Məmmədov, Goranboy Rayon İcra Hakimiyyətinin başçısı Məhərrəm Quliyev və Gəncə-Daşkəsən Regional Təhsil İdarəsinin müdiri Anar Qədiməliyev iştirak edib.
Əvvəlcə ulu öndər Heydər Əliyevin abidəsi ziyarət edilib, önünə gül dəstələri düzülüb.
Tədbir iştirakçıları daha sonra hər iki məktəbdə yaradılmış şəraitlə yaxından tanış olublar.
Bildirilib ki, Goranboy rayon Tap kənd tam orta məktəbinin binası 204 şagird yerlikdir. İkimərtəbəli təhsil müəssisəsində 16 sinif otağı, 1 informatika kabineti, 3 laboratoriya, müəllim otağı, elektrik otağı, həkim otağı, 2 texniki otaq, 32 yerlik bufet və digər otaqlar müəllim və şagirdlərin ixtiyarına verilib.
Goranboy rayon M.Zeynalov adına Dəliməmmədli şəhər tam orta məktəbinin binası isə 906 şagird yerlikdir. Üçmərtəbəli təhsil müəssisəsində 38 sinif otağı, 3 informatika kabineti, 4 laboratoriya, müəllim otağı, elektrik otağı, həkim otağı, 2 texniki otaq, 100 yerlik bufet, 380 yerlik akt zalı və digər otaqlar müəllim və şagirdlərin ixtiyarına verilib. Emalatxanada tədrisin yüksək səviyyədə təşkili üçün hərtərəfli şərait yaradılıb. İdman zalı zəruri avadanlıqla təchiz olunub.