Gürcüstan hökuməti ölkənin xarici siyasət strategiyasını təsdiq edib
Tbilisi, 30 mart, AZƏRTAC
Gürcüstan hökuməti ölkənin 2019-2022-ci illər üçün xarici siyasət strategiyasını (doktrina) təsdiq edib.
AZƏRTAC Gürcüstan KİV-lərinə istinadla xəbər verir ki, bu sənəd ölkənin milli maraqlarına tam uyğundur və əvvəlki strategiya ilə müqayisədə daha mükəmməl hazırlanaraq yüksək tələblərə cavab verir.
Strateji sənəddə xarici siyasətin konkret istiqamətləri, strateji məqsədlər və prioritet vəzifələr, atılacaq addımlar əksini tapıb.
Sənəddə Gürcüstanın NATO və Avropaya inteqrasiyası, Cənubi Qafqaz ölkələri ilə münasibətləri də konkret vəzifə olaraq qarşıya qoyulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
