GÜRCÜSTANIN SİQNAXİ RAYONUNDA ONKOLOJİ XƏSTƏLİYƏ TUTULANLARIN SAYI ARTMIŞDIR
AZƏRTAC-ın xüsusi müxbiri xəbər verir ki, son vaxtlar Gürcüstanın Kaxeti bölgəsinin Siqnaxi rayonunda onkoloji xəstəliyə tutulanların sayı artmışdır.
Bu ilin ötən 11 ayındə bu bölgədə 558 nəfərin onkoloji xəstəliklərə mübtəla olması faktı qeydə alınmışdır. Bölgədəki informasiya mərkəzinin məlumatına görə, mütəxəssislər Siqnaxidə onkoloji xəstəliyə tutulanların sayının artmasını bir neçə amillə, o cümlədən burada uzun müddət kəndlərə içməli suyun asbest borularla verilməsi ilə əlaqələndirirlər.
Gürcüstan Əmək, Səhiyyə və Sosial Müdafiə Nazirliyi Xəstəliklərə Milli Nəzarət Mərkəzinin məlumatında bildirilir ki, asbestin tərkibindəki karsenogen maddələr şiş xəstəliklərinə səbəb olur. Həmçinin Siqnaxi rayonu ərazisində zəhərli-kimyəvi maddələrin nəzarətsiz qalan anbarları yaşayış məntəqələrinin yaxınlığında yerləşir ki, bu da həmin xəstəliklərin törəməsi səbəblərindən biri hesab olunur.
Bölmənin digər xəbərləri
