HEYDƏR ƏLİYEV İRSİ GƏLƏCƏK NƏSİLLƏR ÜÇÜN XƏZİNƏDİR
AZƏRTAC xəbər verir ki mayın 1-də Beynəlxalq Mətbuat Mərkəzində “Qafqaz Media” İctimai Birliyinin təşkilatçılığı ilə “Heydər Əliyev irsi örnəkdir” mövzusunda dəyirmi masa keçirilmişdir.
Ulu öndərin əziz xatirəsi 1 dəqiqəlik sükutla yad edilmiş, Azərbaycanın dövlət himni səslənmişdir.
İctimai Birliyin sədri Azadə Taleh Abbasqızı müstəqil Azərbaycan dövlətinin memarı və qurucusu, ulu öndər Heydər Əliyevin siyasi fəaliyyəti, ölkəmizin inkişafı naminə göstərdiyi xidmətlərdən danışmışdır. O, bildirmişdir ki, demokratik cəmiyyət quruculuğunda kütləvi informasiya vasitələrinin rolunu yüksək qiymətləndirən ümummilli liderimiz ölkəmizdə azad sözün və mətbuatın əsasını qoymuşdur.
Prezidentin İcra Aparatı ictimai-siyasi məsələlər şöbəsinin sektor müdiri Qafar Əliyev və başqaları çıxış edərək unudulmaz şəxsiyyətin Azərbaycanın müstəqil dövlət kimi tanınmasında, milli mətbuatın inkişafında misilsiz xidmətlərindən söz açmışlar. Natiqlər vurğulamışlar ki, ümummilli lideri Heydər Əliyevin çox çətin bir dövrdə xalqın təkidli tələbi ilə ikinci dəfə siyasi hakimiyyətə qayıdışından sonra Azərbaycan həqiqətləri beynəlxalq aləmə çatdırılmışdır.
Tədbirdə bildirilmişdir ki, Heydər Əliyev irsi gələcək nəsillər üçün xəzinədir.
Xalq artisti Məleykə Əsədova ulu öndərə həsr olunmuş şeir söyləmişdir.
Bölmənin digər xəbərləri
