HİNDLİ KİNOMAN EKRANDAN GÖZÜNÜ ÇƏKMƏDƏN 120 SAAT FİLMLƏRƏ BAXMIŞDIR
AZƏRTAC xəbər verir ki, Hindistanın Mathura şəhərinin sakini Aşiş Şarma fasiləsiz 120 saat müddətində 48 filmə baxaraq, dünya rekordu müəyyən etmişdir.
Bundan əvvəlki rekord alman qadın Klaudiya Vafraya məxsus idi. O, fasiləsiz 117 saat kinoya baxmışdır.
Aşiş Şarma iyunun 11-də filmlərə baxmaq üçün ekran qarşısında oturmuş və bu işi iyunun 16-da başa çatdırmışdır.
“Ginnessin rekordlar kitabı”nın redaksiyası onun nailiyyətini qeydə almışdır və prosedur məsələləri nizama salındıqdan bir ay sonra Şarmanı rəsmən dünya çempionu adlandırmağı nəzərdə tutur.
Rekordlar kitabı redaksiyanın təkidi ilə bütün bu vaxt ərzində Şarmanın yanında hər dörd saatdan bir onun səhhətini yoxlayan həkim var idi.
Rekordçu demişdir: “Mən həmişə Mathuranı günlərin birində bütün dünyada məşhur etməyi arzulamışam”.
Mathura şəhəri Dehlidən məşhur Tac-Mahal məqbərəsinin yerləşdiyi Aqra şəhərinə gedən yolun üstündədir. Mathura Krişnanın vətəni kimi çoxlu turist və zəvvarı cəlb edir.
Şarma demişdir: “Bir dəfə gördüm ki, kimsə filmlərə baxmaqda rekord vurmuşdur və onu ötmək qərarına gəldim. Əsasən, ona görə ki, kinonu çox sevirəm”.
Kinoman öz şəxsi rekordunu təzələməyi nəzərdə tutur.
Bölmənin digər xəbərləri
