İNGİLİS VƏ FRANSIZ AZARKEŞLƏRİ QALMAQAL SALMIŞLAR
Almaniya polisi Frankfurt vağzalında dava-dalaş salmış 20 ingilis və alman azarkeşini həbs etmişdir. AZƏRTAC Frans Press Agentliyinə istinadla xəbər verir ki, Almaniya polisinin məlumatına görə, şəhərdə təxminən 30 min futbol divanəsi yığışmışdı ki, onların da yalnız 15 mininin ilk oyuna bileti vardı. Minlərlə britaniyalı azarkeş oyuna barlarda, restoranlarda olan böyük ekranlarda baxmaq niyyətindədir. İngilis azarkeşləri Avropada ən təcavüzkar futbol divanələri sayılırlar. 1998-ci ildə Fransada keçirilmiş dünya çempionatında və 2000-ci il Avropa çempionatı zamanı onlar polislə kütləvi savaşlar törətmişdilər.
İngilis polisi ən bədnam futbol xuliqanlarını Almaniyaya buraxmamağa çalışmışdır. 3500-dən çox azarkeşin dünya çempionatına getməsinə mane olmaq üçün pasportları əllərindən alınmışdır. İngiltərədən Almaniyaya 80 polis gəlmişdir. Onlar asayişi qorumaqda alman həmkarlarına kömək edəcəklər.
Bölmənin digər xəbərləri
