İRAN XARİCİ İŞLƏR NAZİRİNİN BİRİNCİ MÜAVİNİNİN BAKIYA SƏFƏRİ NƏZƏRDƏ TUTULUR
AZƏRTAC-ın xüsusi müxbiri xəbər verir ki, Azərbaycanın Tehrandakı səfiri Abbasəli Həsənov İran xarici işlər nazirinin birinci müavini Şeyx Əttarla görüşmüşdür.
Görüşdə Azərbaycan-İran münasibətlərinin inkişaf səviyyəsi və digər aktual məsələlər ətrafında fikir mübadiləsi aparılmışdır.
Səfir bildirmişdir ki, son vaxtlar Azərbaycan-İran münasibətlərinə dair bir sıra məsələlər kütləvi informasiya vasitələrində müxtəlif formalarda şərh olunur və bu, ictimaiyyət arasında anlaşılmazlıq yaradır. Belə şərhlər müəyyən dairələrin maraqlarına xidmət edir və dövlətlərimizin, xalqlarımızın münasibətlərinə xələl gətirə bilməz.
Azərbaycan-İran Dövlətlərarası Müştərək Komissiyasının növbəti iclasının keçirilməsi və digər mühüm məsələləri həll etmək məqsədi ilə yaxın vaxtlarda Şeyx Əttarın Bakıya rəsmi səfərə gəlməsi ilə bağlı razılıq əldə edilmişdir.
Bölmənin digər xəbərləri
